மிளகா நாயகி பூங்கொடி காதல் திருமணம்!

ராசுமதுரவனின் மாயாண்டி குடும்பத்தார், மிளகா, கோரிப்பாளையம் உள்ளிட்ட படங்களில் நடித்திருப்பவர் நடிகை பூங்கொடி. இவருக்கும் மிளகா படத்தில் ஒளிப்பதிவாளராக பணியாற்றிய வினு என்ற வினோத்துக்கும் மிளகா படத்தில் பணியாற்றிய போது காதல் மலர்ந்தது. இவர்களது காதலுக்கு இருவீட்டிலும் எதிர்ப்பு கிளம்பியது. ஆனால் பூங்கொடி தன் காதலில் உறுதியாக இருந்தார். காதல் வினோத்தை மட்டுமே திருமணம் செய்து கொள்வேன் என்று பெற்றோரிடம் தெரிவித்து விட்டார். இதையடுத்து பூங்கொடிக்கு வேறு மாப்பிள்ளை பார்க்க ஆரம்பித்தனர். இதனால் வீட்டை விட்டு வெளியேறிய பூங்கொடி, காதலன் வினோத்தை திருமணம் செய்து கொண்டார். திருவனந்தபுரத்தில் உள்ள கரமனை என்ற இடத்தில் இந்த ரகசிய திருமணம் நடந்தது. நடிகை பூங்கொடி கேரளாவை சேர்ந்தவர். அங்குள்ள டி.வி. சீரியலில் நடித்ததன் மூலம் அவர் தனது கலைச்சேவையை தொடங்கினார்.